Ciidamada Danab oo si buuxda ula wareegay Xawaadleey, howlgal amni xaqiijin ahna ka wada Shabeellaha Dhexe

Haaruun axmedHaaruun axmed March 11, 2026

Ciidamada Danab

Ciidamada Kumaandooska Danab ee Dowladda Soomaaliya 

 Ciidamada Kumaandooska Danab ee Dowladda Federaalka Soomaaliya ayaa si buuxda ula wareegay gacan ku haynta magaalada Xawaadleey ee gobolka Shabeellaha Dhexe, kadib howlgal militari oo lagu beegsaday dagaalyahannada Al-Shabaab ee ku sugnaa halkaas

Sida ay sheegayaan ilo deegaanka ah, ciidamada Danab

Sida ay sheegayaan ilo deegaanka ah, ciidamada Danab ayaa dagaal kooban kadib ka saaray Al-Shabaab magaalada, iyagoo hadda wada howlgallo lagu xaqiijinayo amniga iyo xasilinta Xawaadleey iyo deegaanada ku xeeran

Maalmihii la soo dhaafay ciidamada dowladda federaalka 

Maalmihii la soo dhaafay ciidamada dowladda federaalka ayaa kordhiyay howlgallada ka dhanka ah Al-Shabaab ee ka socda gobolka Shabeellaha Dhexe, waxaana sidoo kale la geeyay ciidamo dheeraad ah oo lagu sugayo amniga loogana hortagayo weerarro kale oo ay kooxdu ka fuliso gobolka

Saraakiil ka tirsan Ciidanka Xoogga Dalka ayaa sheegay in saacadihii u dambeeyay ay isku dhacyo toos ah ka dhaceen deegaanada ku dhow Xawaadleey, halkaas oo ay ciidamada dowladda ku wajahayeen dagaalyahanno ka tirsan Al-Shabaab oo ku sugnaa bariga gobolka

Ilaa iyo hadda ma jiro war rasmi ah oo faahfaahsan oo ka soo baxay Dowladda Federaalka Soomaaliya ama maamulka Hirshabelle oo ku saabsan khasaaraha iyo natiijada rasmiga ah ee dagaalka

Howlgalkan ayaa la rumeysan yahay inuu qeyb ka yahay ololaha militari ee ballaaran ee loo yaqaan “Howlgalka aamusan”, kaas oo toddobaadyadii la soo dhaafay si xooggan uga socday gobollada Shabeellaha Dhexe iyo Shabeellaha Hoose, iyadoo dowladda ay sheegtay inay doonayso in gebi ahaanba looga saaro Al-Shabaab deegaanada ay kaga sugan yihiin koonfurta dalka.

Post a Comment

4 Comments

  1. tahaMarch 11, 2026 at 4:19 AM

    Great to see the Danab forces making real progress in Middle Shabelle.
    Stability is exactly what the local communities need right now
    Keep it up!

    ReplyDelete
  2. aminaaMarch 11, 2026 at 4:19 AM

    Another report with no official details on casualties or long-term plans
    Reclaiming towns is one thing, but can the government actually hold them once the operation ends?!

    ReplyDelete
  3. Haaruun axmedMarch 11, 2026 at 5:07 AM

    Waaa ciidan tababarkoodii aad u sareeyo lehna xirfad ay kaga adkaan karaan kooxda alshabaab

    ReplyDelete
  4. nuurMarch 11, 2026 at 5:18 AM

    Dowlada waxay ka gaabisay la dagaalanka argigixisada waxayna ku mashquushay mudo kororsi si ay u sameysan laheyd

    ReplyDelete