Weeraryahanka Manchester United Joshua Zirkzee
Weeraryahanka Manchester United Joshua Zirkzee ayaa diyaar u ah inuu raadsado bixitaan bisha January si uu u badbaadiyo rajadiisa ka qaybgalka Koobka Adduunka, sida warbixinta lagu sheegay ka dib markii uu £36.5 milyan kaga soo biiray kooxda Bologna intii lagu jiray suuqa kala iibsiga xagaaga ee 2024, Zirkzee waxa uu dhaliyay kaliya toddobo gool xilli ciyaareedkiisii ugu horreeyay
Dhibaatadaas ayaa keentay in Manchester United
Dhibaatadaas ayaa keentay in Manchester United ay go’aansato inay ku bixiso £200 milyan dhisidda khadka weerarka ee cusub sannadkan Matheus Cunha, Bryan Mbeumo, iyo Benjamin Šeško ayaa dhammaantood ahaa ciyaartoy qaali ah oo lagu soo daray qorshayaasha tababaraha Ruben Amorim
Waxaana tartanka xoogeystay ee boosaska garoonka
Waxaana tartanka xoogeystay ee boosaska garoonka uu sababay in Rasmus Højlund uu xagaagii ku biiro kooxda Napoli amaah ahaan si kastaba ha ahaatee, Zirkzee ayaa lagu sii hayay kooxda si uu u noqdo beddel Isagoo kaliya sameeyay afar ciyaarood oo uu ciyaaray 82 daqiiqo guud ahaan tartamada oo dhan
Warbixin uu qoray Daily Mail ayaa sheegaysa in Zirkzee uu diyaar u yahay inuu dhammeeyo waayihiisa Manchester United isla markaana uu baxo bisha Janaayo waxaa la sheegay in Zirkzee uu aad uga niyad jabsan yahay xaaladdiisa, gaar ahaan maadaama ay tahay sannadkii Koobka Adduunka
Waxa uu ka baxay liiska ugu dambeeyay ee xulka Netherlands ee uu soo saaray Ronald Koeman, wuxuuna dalkiisa u ciyaarin tan iyo November
0 Comments