Tottenham waxa ay haysataa labanlaab tirada
Tottenham waxa ay haysataa labanlaab tirada koobabka yurub sida Arsenal ka dib markii ay ku guulaysteen Europa League, laakiin halkee ayay ku kala sareeyaan kooxaha kale ee ugu sareeya England ku guuleysiga koobabka Yurub ayaa loo arkaa inay tahay meesha ugu sarreysa kooxaha Ingiriiska
Laakiin qaar ayaa ka guulo badan kuwa kale
Laakiin qaar ayaa ka guulo badan kuwa kale sannadihii la soo dhaafay anagoo tixgelinayna dhammaan koobabka Yurub, waa kuwan siddeedda kooxood ee Ingiriiska ah ee ku guuleystay koobabka Yurub ugu badan.
1. Liverpool – 14 koob oo Yurub ah
Iyadoo ku guuleysatay 14 koob oo Yurub ah, Liverpool ayaa ilaa hadda ah kooxda ugu guulaha badan England ee heerka qaaradaha waxay ku guuleysteen lix koob oo Champions League ah waxayna sidoo kale ku guuleysteen seddex Europa League, afar Super Cups iyo hal koob oo kooxaha adduunka ah.
2. Chelsea – 9 koob oo Yurub ah
Chelsea ayaa fursad u haysata in ay ku guulaysato koobkeedii 10-aad ee Yurub todobaadka soo socda marka ay finalka Europa Conference League la ciyaari doonto kooxda Real Betis kooxda Chelsea had iyo jeer waxay lahaan jireen xirfad ay ku guulaysteen koobabka Yurub, xitaa marka aanay joogin heerka ugu sarreeya ee awooddooda gudaha.
Laba koob oo Champions League ah, labo Europa League iyo dhowr koob oo kale oo Yurub ah, waa kooxda labaad ee ugu guulaha badan England.
3. Manchester United – 8 koob oo Yurub ah:
Red Devils ayaa fursad u heshay inay ku guuleysato koobkeedii sagaalaad ee Yurub, laakiin ugu dambeyntii waxay ku guuldareysatay finalka Spurs nasiib darro, Europa League ayaa ahaa koobkii ugu dambeeyay ee Yurub ee ay ku guuleystaan. Jose Mourinho ayaa ku hogaamiyay guul sanadkii 2017, isagoo finalkii kaga badiyay Ajax.
Inta badan guulaha United ee Yurub ayaa yimid intii uu xilka hayay Sir Alex Ferguson isagoo ku guuleystay lix koob oo Yurub ah intii uu joogay kooxda, oo ay ku jiraan laba koob oo Champions League ah.
4. Tottenham – 4 koob oo Yurub ah
Ka dib markii ay ku guuleysteen Europa League, Tottenham ayaa haatan bar-baraysay Man City oo ku guuleysatay afar koob oo Yurub ah halka kooxda Ange Postecoglou ay aad uga hoos dhacday rajada laga filayo Premier League xilli ciyaareedkan, dhamaantood waa la cafiyi doonaa ka dib guushii ay ka gaareen Bilbao.
5. Manchester City – 4 koob oo Yurub ah
City ayaa ku guuleysatay koobkeedii ugu horeeyay ee Yurub 1969-70 markaasoo ay garaacday Gornik Zabrze finalkii UEFA Cup Winners’ Cup tan iyo markii uu yimid Pep Guardiola, waxa ay golahooda koobabkq ku soo kordhiyeen seddex koob oo kale oo Yurub ah, taasoo guud ahaan ka dhigeysa afar koob.
6. West Ham United – 3 koob oo Yurub ah
7. Aston Villa – 3 koob oo Yurub ah
8. Nottingham Forest – 3 koob oo Yurub ah
0 Comments