Mucaaradka Koonfur Galbeed oo ka horyimid doorashada ka socota Baydhabo, hanjabaadna u diray xildhibaanada la shaaciyay

Guddiga Madaxa-bannaan ee Doorashooyinka

 Guddiga Madaxa-bannaan ee Doorashooyinka iyo Xuduudaha Koonfur Galbeed ayaa xalay si rasmi ah u shaaciyay liiska 95 xildhibaan ee Baarlamaanka 3aad ee Dowlad Goboleedka Koonfur Galbeed Soomaaliya xildhibaannadan ayaa isla maanta lagu dhaariyay magaalada Baydhabo

Iyagoo sidoo kale isla saacadaha soo socda dooranaya

Iyagoo sidoo kale isla saacadaha soo socda dooranaya guddoonka Baarlamaanka Koonfur Galbeed oo maanta lasoo gabagabeynayo sidoo kale, guddiga doorashooyinka Koonfur Galbeed ayaa shaaca ka qaaday in doorashada madaxweynaha Koonfur Galbeed ay dhici doonto soddonka bisha Maarso, ayna maanta bilaaban doonto qabashada codsiyada musharaxiinta u taagan xilka madaxweynaha

Dhinaca kale, ciidanka Badbaadada Koonfur Galbeed

Dhinaca kale, ciidanka Badbaadada Koonfur Galbeed ayaa si adag uga hor yimid liiska xildhibaannada la shaaciyay, iyaga oo ku tilmaamay “wax kama jiraan ah” waxayna sheegeen in aan la aqbali doonin afhayeenka ciidanka  badbaadada, Maxamed Xuseen Joon, oo warbaahinta la hadlay  sheegay in liiskaasi aanu sharciyad lahayn, ayna u arkaan mid lagu kala fogeynayo shacabka Koonfur Galbeed

Wax kasta oo ka dhasha liiska la dhaariyay, jawaab cad ayaan ka bixin doonnaa,” ayuu yiri afhayeenka ciidanka badbaadada Koonfur Galbeed, isaga oo fariin u diray dowladda federaalka iyo beesha caalamka wuxuu ka digay  cid kasta oo ku jirta liiska xildhibaannada la dhaariyay in ay qayb ka yihiin burburka iyo dagaalka uu madaxweyne Lafta Gareen ka hurinayo magaalada Baydhabo siduu hadalka u dhigay

Si kastaba ha ahaatee, Madaxweynaha Koonfur Galbeed ayaa lagu eedeeyay inuu doorashada ka socota Baydhabo ay tahay mid uu isku caana shubayo si uu kursiga ku sii joogo, xilli Dowladda Federalka Soomaaliya ay dhawaan sheegtay inuu dhamaaday muddadiisa uuna kursiga ku joogo si sharci darro ah

Dowladda Federaalka Soomaaliya oo ka caraysan talaabooyinka uu qaadayo madaxweyne Lafta Gareen ayaa lagu eedeynayaa inay gadaal ka riixayso mucaaradka hubaysan ee Koonfur Galbeed, kuwaas oo ay ku jiraan kuwa ka tirsan xukuumadda Soomaaliya

Waxaa sidoo kale muuqata in arrimaha haatan socda ay wiiqayaan dadaaaladii ay garwadeenka ka ahaayeen odayaasha dhaqanka Koonfur Galbeed, kuwaas oo maalmo ka hor sheegay in  labada dhinac ay ka aqbaleen joojinta tallaabooyinka colaadda sii hurinaya

Waa is doorate masii jogi kartaaa pic.twitter.com/rGUQza1a3i

— Somalia Today (@SomaliaToday24) March 28, 2026