Ayadoo lagu jiro dabaal-degga malmaha
Ayadoo lagu jiro dabaal-degga malmaha munaasabadda Ciidul-fitriga ayaa waxaa lasoo warinayaa in deegaannada kooxda Al-Shabaab aan si wanaagsan looga Ciidan, isla markaana ay gebi ahaan kooxda joojisay dhoolatuskii ciidan ee ay sameyn jirtay maalmaha lagu jiro dabaal-degga Ciida shalay iyo maanta laguma arkin deegaannada Al-Shabaab
Wax dabaal-deg ah iyo dhoolatus ay soo bandhigayaan
Wax dabaal-deg ah iyo dhoolatus ay soo bandhigayaan dagaalyahannadooda, oo inta badan xilliyada Ciidaha la arki jiray, iyaga oo sameynayo dhoolatus ay kusoo bandhigayaan awooddooda ciidan baraha bulshada iyo warbaahinta Al-Shabaab ayaa si weyn loogu baahin jiray bandhigga iyo dhoolatuska maleeshiyaadka kooxda
Balse sanadkan ma jiro wax dhoolatus ah,
Balse sanadkan ma jiro wax dhoolatus ah, sababo la xiriira culeyska haatan haysta kooxda wararka soo baxaya ayaa ayaa sheegaya in arrintan ay la xiriirto saamaynta duqeymaha isdaba joogga ah ee lala beegsanayo kooxda Al-Shabaab oo haatan culeys xoogan kala kulmeyso dowladda federaalka Soomaaliya iyo saaxibada caalamiga ah
Sidoo kale wararka ayaa intaasi kusii daraya in wax dagaalyahannno lagu arkin deegaannada ay maamulaan Al-Shaaab, sida Galhareeri (Galgaduud), Jilib (Jubba Dhexe), Mubaarak (Shabeellada Hoose), Ceel Garas (Galgaduud), Buq’aqable (Hiiraan), Jowle (Mudug), iyo Kuunyo Barow (Shabeellada Hoose), halkaas oo ay farriisimo waa wayn ku leedahay kooxda.
Hoggaamiyeyaasha sar ee argagixisada ayaa dhankooda adeegsaday farriimo cod ah oo ku saabsan munaasabadda, iyaga ka baaqsaday inay si toos ah uga soo muuqdaan goobaha lagu oogayay salaadda Ciida waa markii ugu horreysay oo deegaanada ay maamulaan Al-Shabaab aa lagu arkin dagaalyahannada kooxda iyo horjoogayashooda oo xilliyadaan oo kale kasoo muuqan jiray fagaarayaasha lagu ciidayo.
Sidoo kale, hadal-heyn xoogan ayaa ka dhalatay arrintan, iyada oo su’aalo badan laga keenay, taas oo la xiriirta culeyska iyo cabsida haysata Khawaarijta oo indhowaanahan lagu hayay howlgallo dhulka iyo cirka ah oo lagu qaaday ilaa fariisinkooda wayn ee Jilib tallaabadan ayaa sidoo kale kusoo aadeyso xilli dowladda Soomaaliya iyo saaxiibada caalamiga ah ay weli sii wadaan dadaalkooda iyo howlgallada lagu wiiqayo awoodda Al-Shabaab, waxaana socda dagaallo toos ah iyo duqeymo lagu cuuryaaminayo kooxda.
Si kastaba, Howlgallada xoogooda ayaa haatan ka socda Shebeelooyinka iyo Galgaduud, waxaana jab culus loogu gaystay maleeshiyada kooxda oo loo gaarsiiyay khasaare wayn.
0 Comments