Salah ayaa si rasmi ah u cusbooneysiiyay qandaraaskiisa Liverpool

 

Liverpool ayaa maanta oo jimco ah ku dhawaaqday in ay dib u cusboonaysisayqandaraaska xidigeeda reer Masar ee Mohamed Salah kaas oo ka sii socon doona qasriga Anfield inta lagu guda jiro xilliyada soo socda.

Salah ayaa galay 12-kii bilood ee ugu dambeeyay qandaraaskiisa haatan, kaasoo la saxiixay bishii July 2018, balse wadahadalo socday bilo kadib, Liverpool iyo Salah waxay gaareen heshiis ay ku sii joogayaan garoonka Anfield illaa June 2025, iyagoo ku beddelaya mushaar toddobaadle ah oo gaari kara 400,000 Pound. sida uu sheegay.waxaa wariyey Daily Mail .

Waxaa jiray calaamado muujinaya inuu burburin doono qandaraaskiisa oo uu si bilaash ah ugu dhaqaaqi doono koox kale xagaaga soo socda, laakiin dhammaan wadahadalladan ayaa hadda dhammaaday iyadoo si rasmi ah loo cusbooneysiiyay qandaraaskiisa Reds.

Salah waxa uu jecel yahay mar walba inuu sii joogo Merseyside, halkaasoo uu halyey ka noqday Liverpool tan iyo markii uu kaga soo biiray Roma sannadkii 2017kii.

Agaasimaha ciyaaraha Liverpool Julian Ward ayaa u safray jasiirada Mykonos ee dalka Giriiga halkaas oo uu ku maqnaa fasaxa xiddiga reer Masar si uu heshiiska u saxiixo taas oo muujinaysa in Salah uu yahay mid ka mid ah ciyaartoyda haatan ugu fiican aduunka.

Wakiilka Salah, Rami Abbas, ayaa soo dhigay Emoji qosol leh, kaasoo ka fal-celiyay taageerayaasha Liverpool, iyadoo aan la ogeyn sababta dhabta ah ee ka dambeysa qoraalka uu soo dhigay Twitter-ka, xilli ciyaaryahankii hore ee kooxda Jimmy Carragher uu wacay xiddiga Masar si uu ula hadlo wakiilkiisa oo uu joojiyo. isaga inuu sameeyo waxyaalo la mid ah.

Carragher ayaana soo laabtay ka dib markii uu si rasmi ah ugu dhawaaqay cusboonaysiinta Salah isagoo soo dhigay tweet kale, kaas oo uu ku yidhi: "Dhamaanteen waad na khiyaanaysay."