Barcelona ayaa khiyaamaysay warbaahinta iyo saxafiyiinta sugayay imaatinka
xiddiga cusub ee Brazil Rafinha kaas oo ku biiray kooxda Catalan.
Wargeysyada ayaa sawiro ka qaaday ciyaaryahanka reer Brazil oo ku sugan
garoonka diyaaradaha, halkaasi oo uu la aaday qoyska iyo qaar ka mid ah
mas’uuliyiintii uu la socday baabuurtii lagu sugayay.
Sida laga soo xigtay wargeyska Isbaanishka, Mundo Deportivo, waxaa soo baxday
in kan ka soo muuqday sawirada uusan ahayn Rafinha sababtoo ah ma jiro wax
tattoo ah oo ku yaala gacanta ciyaaryahanka da'da yar.
Wargeyska Catalan ayaa intaa ku daray, "Waxay soo baxday in qofka soo
muuqday uu ahaa ina-adeerkii Rafinha, kaas oo ay la socdeen qoysku intii ay ku
jireen safarkii Barcelona, iyo in maamulka Barca ay ka soo saareen Rafinha
dhabta ah albaabka dambe."
Akoonka rasmiga ah ee Barcelona ayaa lagu baahiyay muuqaalka Rafinha oo xiran
funaanada Barca, isagoo leh, “Hallow taageerayaasha, anigu waxaan ahay Rafinha,
durba waxaan joogaa Barcelona”.
Barcelona ayaa maanta oo Arbaca ah soo saartay warbixin kooban oo ay ku
shaacisay website-keeda rasmiga ah, kaasoo ay ku shaacisay heshiis ay Leeds
United kula gashay in lagu daro Rafinha, iyadoo la sugayo baaritaanka caafimaad
ee ciyaaryahanka.
Warbixinada saxafada ayaa tilmaamaya in Barcelona ay kula heshiisay Leeds in
Rafinha lagu daro 58 milyan oo Yuuro, marka lagu daro 10 milyan sida
doorsoomayaal.
0 Comments