Lataliyihii hore ee Amniga Qaranka Fahad
Yaasiin Xaaji Daahir oo wareysigii u horeeyay bixiyay ayaa ka hadlay arrimo
dhowr ah oo ku saabsan xaaladda dalka,doorashadii kooxdiisa looga adkaaday iyo
xilka cusub ee loo magacaabay Mahad Salaad ee ah taliyaha NISA.
Fahad Yaasiin isagoo ka hadlaya magacaabistii Taliyaha Cusub ee NISA ayuu
yidhi “Madaxweyne Xasan Sheikh,
Aqoon uma laha Mahad Salaad, haddii uu aqoon u lahaan lahaa ma uu magcaabeen”
Wuxuu sidoo kale fariin xasaasi ah u diray Saraakiisha kala duwan ee
Hay’adda NISA “Saraakiisha
Hay’adda Sirdoonka Qaranka Soomaaliyeed, waxaan u sheegayaa qofka xog iyo sir
Qaranku leeyahay, la wadaaga Taliyaha Cusub (Mahad Salaad) wuxuu la mid yahay
qof sirtii qarankiisa la wadaagay Cadowga waddanka iyo Argagaxisada” Ayuu
yidhi Fahad Yaasiin.
Fahad Yaasiin wuxuu sidoo kale dhaliilay siyaasadda Hogaamiyaha maamulka
Jubbaland Axmed Madoobe, wuxuuna isagoo ka hadlaya yidhi “Soomaaliya halisaha ku
gadaaman waxaa qayb ah shaqada Ahmed Madoobe ka hayo. Madaxda ugu saraysa
Kenya, annagoo is hor fadhina oo Madoobe fadhiyo ayaan ku idhi, u sheega
Madoobe in Madaxweynihiisu yahay Farmaajo ee aanu ahayn Madaxweynaha Kenya”
“Ikraan Tahliil, waan
aqaanay, Waalidkeed baan aqoon u leeyahay, qoyskooda ayaan aqoon u leeyahay,
sida ay u dhimatay, cidii dishay, halkii lagu dilay iyo cida iska kaashatay
dilkeeda oo dhammaystirana waan u haynaa”
Ra’iisal Wasaare Rooble “Waa
runtii waa Og yahay cida dishay Ikraan wuunna yaqaanaa” ayuu
raaciyey hadalkiisa, waraysiga oo dhamaystiran insha allah marka lasii daayo
ayaanu idiin soo gudbin doonaa.
Hordhaca wareysiga aan arkay waxaa uu soo muujiyey shakhsiyadda taliyihii
hore ee Fahad, iyo nuuca uu ka rabay Hay’adda NISA, waxa layaab leh in
taliyihii hore uu si cad ula soo istaago saxaafadda in aan xogta dowladda lala
wadaagin taliye sifo sharci ah ku maamulaya Hay’adda.
Waan ogeyn in Fahad iyo kooxdiisu Shantii sano ee la soo dhaafay ay ka
shaqeynayeen dhisitaanta dad iyo ciidan u rabayaad ah oo ugu shaqeeya si ka
baxsan xeyn-daabka dowladnimada oo uu ka rajo qabo in ay amaro ka qaadanayaan
iyaga oo aan wax-xil ah ka haynin dowladda.
Xogta uu leeyahay yaan lala wadaagin Mahad Salaad Kiiska AUN Ikraam iyo Aamina
miyaa, ileen xogta Fahad iyo waxa uu ka shaqaynayey oo dhammaystiran waa la
ogyahaye?, Su’aasha kale maxuu noogu sheegi waayey cida uu doonayo in ay xogta
siiyaan haddii uu u diidey taliyihooda sharciga ahaa?
ma isaga ayaa raba in weli ay xogta ay la soo wadaagaan mise Alshabaab?
Waxaa la yaab leh Fahad oo la ogyahay dalka uu u shaqeeyo iyo lacagta uu ka soo
qaatay in uu naga iibiyo sirdoonadii ajnabi ayaan ka nadiifiyey hay’adda NISA.
0 Comments