Guddoomiyaha guddiga
hirgelinta doorashooyinka dadban ee heer federaal, Mudane Maxamed Xasan Maxamed
(Cirro) oo wareysi siiyey VOA ayaa soo saaray go’aan cusub oo la xiriira
muranka ka taagan doorashooyinka dalka.
Cirro ayaa shaaca ka qaaday
in doorarashada aan la joojin doonin, balse iyada oo socoto la xallinayo wixii
tabasho ah, taas oo meesha ka saareysa dalabkii hakinta ee Musharixiinta.
Sidoo kale wuxuu tilmaamay
inuu soo dhoweynayo in shirweyne la’isugu yimaado, si loo dhammeeyo muranka
hareeyey doorashooyinka socda ee Golaha Shacabka Soomaaliya.
“In guddiyadeennu wixii ay
qaldamay ay saxaan waa waajib lagu leeyahay, Laakiin waxay u baahan tahay
dhinacyo badan oo iskaashi leh,” ayuu yiri gudoomiyaha gudiga doorashada.
Maxamed Cirro ayaa sidoo
kale ugu baaqay xubnaha mucaaradka inay ku kalsoonaadaan guddiyada maamulaya
doorashooyinka 2021-ka, ayna kala shaqeeyaan doorashada.
Hadalkan ayaa ku soo aadayo,
iyada oo horay Golaha Midowga Musharixiinta Mucaaradka ay u qaadaceen
doorashada Golaha Shacabka, kadibna ay dalbadeen in gabi ahaan la joojiyo
doorashada, si loo xalliyo ‘boob’ ay sheegeen in lagu hayo kuraasta
baarlamaanka.
Warkan ayaa sidoo kale waxa uu imaanayaa ka dib markii Ra’isul wasaare
Rooble uu ku gacan seyray baaqii mucaaradka ee ahaa in la joojiyo doorashada
islamarkaana uu amray in la sii wado waxaana mowqifka Rooble uu daliil u yahay
kala fogaanshaha isaga iyo mucaaradka oo mar ahaan jiray saaxiibo xoogan oo ay
isku heyb yihiin Madaxweyne Farmajo
Rooble hadii uu sidan ku sii socdo oo aan la xalin boobkii iyo
musuq-maasuqii lagu sameeyay kuraas hore waxa muuqaneysa in uu daba dhilif u
yahay Farmajo oo uusan dhex dhexaad ka aheyn doorashada dalka ka dhaceysa
Hadaba hadii uu Rooble doorashada kusii wado sidan isagoo aan xal ka keenin
boobkii iyo isdabamarintii kuraastii hore wuxuu si cad u cadeyneysaa inuu
daba-dhilif u yahay Farmaajo oo aanu dhexdhexaad ka ahayn doorashooyinka dalka
ka socda.
Si kastaba, Soomaaliya ayaa
ku jirta xaalad adag oo kala guur ah, taas oo ka dhalatay daaha doorashooyinka
dalka oo ay ka taagan tahay dood culus oo dib usii dhigi karta.
0 Comments