Mowduuc ka baxay Telefishinka Universal Xalay Gabdho badan ayaa ku
dooday in “ Soddohdayda ma rabo ama gurigayga yaysan imaan Hooyada dhashay Ninkayga”.
Waa cajiib. Diinta waxay waalidka, gaar ahaan Hooyada ka tiri waa la wada
ogyahay.
Gabadhii caqli badan lehna way ogtahay wiil waa Hooyadiis. Ragga inta ugu
badan Hooyooyinkooda wax ay ka jecel yihiin dunidaan ma jiro.
Nin hooyadiis laga jaray oo caasi waalideyn ahna Ilaahay Carradiisa ayaaba
heysato, waayo Xadiis dhahayo ayaa jiro: “Raali ahaanshaha Rabbiga raali
ahaanshaha waalidka ayay ku jirtaa, carrada Rabbiga carrada waalidka ayay ku
jirtaa”.
Midda xigta labadii qof ee is qabta haddii ay waalidiintii dhashay xushmeyn
waayaan, ayagana ilmahooda ayaanan gadaal danbe xushmeyn doonin. Sida aad
ninkaaga hooyadiis u nacsiisay, ayaa wiilkaaga adigana laguu nacsiin doonaa.
Waalid waa waalid, Hooyana wax ka qaalisan dunidan ma jirto.
Nin Rag ah haddii uu hal Milyan oo ilmo ah dhalo xataa, Ilmahaasi dhan
hooyadiis ayaa uga qaalisan, sababtoo Alle ka sokoow ayada madaxeeda ayuu
dunidan ku joogaa.
Marka gabdho Raggiina hooyooyinkooda waa hooyooyinkiina, haddii aad
hooyooyinka raggiina ixtiraami waysaanna, raggiina ixtiraam uma heysaan. Ninkii
aqbala hooyadiis inaanan la ixtiraamina nin ma ahan dhabtii, waayo qofkii
hooyadiisa qiimeyn waayay adigana qiimo kuuma haayo, suura gal cabsi ama caqli
kale inuu kugula joogo.
Ragga ayagana waxaa laga rabaa inay Ixtiraamaan Waalidiintooda dhan oo ay
ku jiraan gabadha waalidkeeda, sidoo kalena xarig fiican oo dadka isku haaya,
isku keena ay noqdaan, Xaasaskooda iyo Hooyooyinkooda si wacan isku
fahamsiiyaan.
Ceeb yaaqe, Hooyo waa Janno Adduun, qofkii heystaa nasiib leh, xataa haddii
ay hooyo ad adag tahay, waa waalid sidaas waa inuu qofku ku qaato.
0 Comments