A C-WARAR
Midowga Musharaxiinta ayaa
war saxaafadeed ka soo saaray xaalada doorashada, iyagoo soo jeediyay in
doorashada la hakiyo, shir wadatashi la isugu yimaado, si loo joojiyo boobka,
lana xaliyo tabashooyinka laga qabo sida ay ku bilowdeen doorashooyinka Golaha
Shacabka.
Sidoo kale waxay soo
jeediyeen in la saxo habraaca iyo habdhaqanka doorashada oo ay ugu horeyso in
la shaaciyo liiska 135 Oday dhaqameed iyo in la xaqiijiyo Ergada doorashada ay
yihiin kuwo ay soo xuleen Odayaasha dhaqanka ee la diiwaan geliyay.
Mucaaradku waxay dalbanayaan in goob-joogayaal caalami ah iyo kuwa madax-banaan
la geeyo goobaha codbixinta si ay u qabtaan doorasho xor ah.
Golaha Midowga Musharaxiinta
ayaa sheegay inay diyaar u yihiin inay ka qeyb galaan doorashooyinka, haddii la
waafajiyo shuruudaha ay soo jeediyeen, haddii la baal maro waxay qaadi doonaan
tallaabooyinka lagama maarmaanka u ah samata bixinta Qaranka iyo qabashada
doorasho hufan oo loo qaadan karo inay tahay inay dhisayaan Gole Kumeelgaadh ah
oo dalka maamula.
Madaxweynihii hore ee Soomaaliya ahna guddoomiyaha golaha midowga
musharaxiinta Shariif Sheekh Axmed ayaa sheegay in marnaba la aqbali karin in
meesha laga saaro xuquuqda iyo xoriyadda muwaadiniinta oo xaq dastuuri ah.
Waxa uu si adag u sheegay in khad cas oo aan laga gudbi karin ay tahay
xoriyada muwaadinka, xilli doorashooyinka dalka ka socda qaar kamid ah
muwaadiniinta lagu duudsiiyey xaqoodii sharciga ahaa.
In doorashada lagu shubto oo la sii wado waxay kicinaysaa caradha shacabka
waxayna dalka u horseedi doontaa dagaal sokeeye oo ka dhashay dulmiga beelaha
lagu haayo ee doorashooyinka aqalka hoose
Madaxweynaha xilka ka degaya ee Farmaajo haddii uu waayo cid ka hor-tagta
falkiisa waxa uu sii wadi doonaa musuq-maasuqa hanaanka doorashada haddaba waa
inaan dhamaanteen taageernaa go’aanka midowga musharraxiinta ee ku aadanaa in
doorashada lagu qabtaa xor iyo xalaal
si loo waayo boob doorasho ama inay somaliya ka dhacdo dagaalo sokeeye oo
aan waxba laysku reeban sii wadista farmajo ku shubashada hanaanka
doorashada waxay dhalin doontaa caro shacabka waxayna dalka u horseedi doontaa
dagaal sokeeye oo ka dhashay caburinta Farmaajo ee qabyaalada
0 Comments