Jadwalkii guddiga doorashada heer federaal uu u qorsheeysey in lagu qabto
doorashada xildhibaanada golaha shacabka ee baarlamaanka 11-aad ayaa mar kale
fashilmay.
Guddiga ayaa 11-kii bishii hore ee November soo saaray jadwal cusub oo
dhigaya in bishaan December 24-keeda la soo gabagabeeyo doorashada
xildhibaanada golaha shacabka taas oo shalay ku beegneyd.
Waa markii saddexaad oo uu dib u dhac iyo fashil ku yimaado jadwal doorasho
oo ka soo baxay guddiga hir-gelinta doorashada dalka ee heer federaal, shantii
bilood ee u dambeysay.
Xubnaha dooran 50 xildhibaan ma dhama badankoodna waxaa lagu muransan yahay
hanaankii ay kursiga ku soo qaateen ilaa hadda doorashada xildhibaanada golaha
shacabka waxaana bilaabay koonfur galbeed galmudug iyo guddiga doorashada reer
waqooyiga
balse inta badan kuraastii la doortay waxaa ka daba yeereysa qeylo dhaanta
qabaa’ilkii lahaa wax isdaba marin iyo dhac kuraas ay tahay sababta ugu weyn ee
dib u dhaca doorashada iyo qaadacaada midowga musharaxiinta iyo beelaha ay
tahay boobka farmajo iyo rooble ay ku wadaan doorashada si ay u soo saartaan
xildhibaano iyaga taageersan si markale xukunka ugu soo laabtaan
Been abuur iyo dhac kuraas aqalka sare iyo aqalka hoose ayaa ah sababta ugu
weyn ee dib u dhigaysa doorashada iyo qaadacaada mucaaradka iyo midowga
musharaxiinta iyo odayaasha beelaha
Beesha Caalamka ayaa dhoowr jeer sheegay in loo baahan yahay in la joojiyo
musuq-maasuqa hareeyay doorashada, lagana shaqeeyo sidii loo heli lahaa
doorasho hufan oo xalaal ah
0 Comments