Cabbirka heerkulka waxaa laga qaadi karaa qeybo kala duwan oo jirka ka
tirsan: afka, dabada, dhegta ama kilkisha. Helista tirada heerkulka saxa ah
waxa ay u baahan tahay tababar qaadasho.
Noocyada heerkulka ee aad qaadi, waxaa ugu saxsan mida dabada laga qaado. Heerkulka
afka waa sax haddii sida saxda ah loo qaado.
Heerkulka dhegta saxnimadeedu waxa ay ku xiran tahay waxyabo kale duwan oo
ah sida da’da, (sax maha marka ilmaha ama socod baradka laga qaado), dhukayga
ama qaabka loo qaado heerkulka dhegta.
Cabbiridda heerkulka ee kilkisha waa mida ugu cabbir xun. Heerkulka dabada ayaa ah mida ugu fiican ee
carurta yar-yar ee ka yar afar (4) sano jir iyo qof kasta oo aan afka isku
qaban karin muddada heerkulbeegga amaba aan si ammaana heerkulbeegga afkooda
ugu
hayn karin. Qof kasta oo ka weyn afar (4) sano jir oo afka ku hayn kara
heerkulbeegga, caadi ahaan heerkulka afka laga qaado ayaa ah cabbirka ugu
saxsan. Guud ahaan waxa Jiro Laba nooc oo Heerkulbeeg Heerkulbeegga Lambarka
Leh
Heerkulbeegga lambarka leh waxa uu cabbirka heerkulka ku muujiyaa dareenka
kulaylka wuxuuna ku shaqeeya batery. Heerkul-beegyada lambarka leh waxa ay
caadi ahaan heerkulka ku muujin karaan waqti ka yar 30 ilbiriqsi. Tirooyinka
kulka waxaa laga dhax arki karaa dhalada heerkulbeegga.Heerkulbeegga Dhalada ah
Marka heerkulbeegga dhalada ah la istcimaali, waa in aad ruxdaa illaa
calaamadda macdanta dareeraha (mercury) ay ka hoos marto 98.6° F (37° C).
Si loo akhriyo heerkulbeegga dhalada ah waxa aad raadisaa meesha ay laynka
macdanta dareerahu ku dhammaato adiga oo dhinac u weecin heerkulbeegga illaa
aad ka aragtid laynka macdanta dareeraha.
(Heerkulbeegga dhalada ah lama isticmaaloo sababta oo ah waxa ku jirta
macdanta dareeraha (merkury).
Macdanta dareeraha waa sun waxaana dhici karta in ay suntu daadato haddii
ay jabto dhalada heerkulbeeggu. Ha ku tuurin qashin qubka. Waxa aad wacdaa
xarunta Ilaalinta Sunta (Poison Control) si aad u heshid talooyinka xafidida
sunta.
Continue. casharka xiga waad ku mahadsantahy lasocodkaaga hadafkeenu waa in
aan helnaa bulsho badqabta iyo bulsho aqaano leh
0 Comments