A C-WARAR
Kooxda Manchester City ayaa garoonka Old Trafford kaga soo adkaatay
Manchester United, kaddib markii ay kaga soo adkaatay 0-2, ciyaar qeyb ka ahayd
kulammada toddobaadkan ee horyaalka Premier League.
Qeybta hore ee ciyaarta ayaa lagu kala nastay 0-2 ay ku hoggaamineysay
kooxda martida ahayd ee Manchester City.
Daqiiqadii 7-aad ee bilowgii ciyaarta Manchester City ayaa hoggaanka u
qabatay dheesha kaddib markii uu gool iska dhaliyay daafaca Manchester United
ee Eric Bailly, ciyaarta ayaa sidaas ku noqotay 0-1.
45 daqiiqo marka ay dheesha mareysay Bernardo Silva oo caawin ka helay
saaxiibkiis João Cancelo ayaa wuxuu ciyaarta ka dhigay 0-2 ay ku hoggaamineysay
kooxda Manchester City.
Qeybta labaad ee dheesha marka dib leysugu soo laabtay labada dhinac ayaa
waxay soo bandhigeen qaab ciyaareed aad u wanaagsan, iyagoo sameeyay fursado
badan ee goolal loo filan karay.
Balse ugu dambeyntiii kulankii adkaa ee Manchester derby ayaa ku dhammaatay
0-2 ay kaga soo adkaatay Manchester City, kooxda Manchester United oo ay ku
booqdeen garoonka Old Trafford
0 Comments