Ciidamada Ahlu Sunna ee
gacanta ku hayo magaalada Guriceel ee Gobolka Galgaduud ayaa maanta howlgalo
militari ka sameeyey gudaha magaalada, xilli laga cabsi qabo in magaalada ay
soo weeraraan ciidamada dowladda iyo kuwa Galmudug.
Ciidamo tiro badan,
islamarkaana ku hubeysan hubka fudud iyo kuwa culus iyo gaadiidka dagaalka ayaa
maanta lagu arkay gudaha magaalada Guriceel halkaas oo laga cabsi qabo inuu
dagaal ku dhex maro ciidamada Galmudug iyo kuwa Ahlu Sunna.
Dagaalkan ayaa ah sida muuqato qorshe lagu carqaldaynayo doorashooyinka
dalka ka socda, waxaana xusid mudan inaan ilaa hadda la dhamystirin doorashadii
aqalka sare ee Galmudug .
kaligii taliye farmaajo ayaa u adeegsanaya Qoor qoor iyo Ahlu sunna in
Fidno iyo rabshado laga abuuro Galmudug si xaalada amni ee somaliya faraha uga
baxdo, Kadibna farmaajo xukunka sidaas kusii hayo.
Farmaajo wuxuu adeegsanaya ciidamada gorgor si uu u huriyo colaadda
Galmudug waxa uu qoorqoor ku amray in uusan dhameyn doorashada aqalka sare
maadaama gobolka ay ka jiraan laba kursi oo banaan
Qaskaan iyo rabshadaha siyaasadaysan ee farmaajo ka dhex abuurayo umada
somaliyeed ayaa ah qorshe lagu soo celinayo muddo korarsigii sharci darada ahaa
ee markii hore farmaajo ku guul daraystay qorshahaan ayaa waxaa soo abaabuley
fahad yasiin oo ah saaxiibka uu ku dhaarto kaligiitaliye farmaajo
Ra’iisul wasaaraha xukuumadda Soomaaliyam Mudane Maxamed Xuseen
Rooble oo xalay khudbad ka jeediyey munaasabad si weyn loogu maamusayey ergada
Soomaaliya ee kiiska badda ayaa soo hadal qaaday doorashooyinka. Rooble ayaa
shaaca ka qaaday in si deg-deg ah loo guda-galayo doorashada xildhibaanada
aqalka hoose, isla-markaana la bilaabayo todobaadka soo socda, sida uu hadalka
u dhigay.
0 Comments