A C-WARAR
Ra’iisul Wasaaraha Xukuumadda Federaalka
Soomaaliya Mudane Maxamed Xuseen Rooble ayaa shaqada ka joojiyay Agaasimihii
Hay’adda Nabad Sugidda iyo Sirdoonka Qaranka Fahad Yaasiin Xaaji Daahir.
Rooble waxa uu si KMG ah Agaasimaha guud ee
NISA ugu magacaabay Sarreeye Guud Bashiir Maxamed Jaamac.
Arintan ayaa salka ku haysa Kiiska Muranka
Xoogan uu hadheeyay Ikraan Tahliil oo ka tirsanayd NISA taasi oo warbixin
dhowaan hay’adda kasoo baxday lagu sheegay inay u gacan gashay Alshabaab.
Rooble ayaa markaasi kadib codsaday Warbxiin
dhamaystiran, Balse Taliyaha NISA oo kasoo jawaabay ayaa sheegay inuu Warbixin
siin doono Golaha Amniga Qaranka, Waxaana Xigtay Xilka Qaadista uu ku dhowaaqay
Raysal wasaare Rooble.
Sidookale Midowga musharraxiinta wuxuu boggaadinayaa go’aanka ay
mas'uuliyadda ku dheehan tahay ee uu RW Rooble shaqada kaga joojiyey agaasimaha
NISA. Go’aanku wuxuu fure u yahay caddaalad ay helaan qoyska Ikraan Tahliil oo
la afduubay lana dilay. Waxay kaloo billow u tahay soo celinta sumcada
hay’adda.
Golaha Amniga Qaranka waa Gole la talin oo raacsan laanta fulinta ee ma aha
Gole sifo sharci iyo mid dastuuri ahba leh. Waxaa intaa dheer in muddadii xil
haynta dastuuriga ahayd ee dowladda ay dhammaatay.
Raysalwasaaraha iyo xukuumaddiisa qodobka 103-aad ee dastuurka ayaa siinaya
awood xil hayn inta raysalwasaare iyo xukuumad beddesha laga helayo. Waxaa
kaloo awood siinaya heshiiskii siyaasadeed ee xilka lagula wareejiyey oo uu
madax ugu noqday Golaha Wadatashiga Qaran. Awooda shaci ka sokow waxaa jira masuuliyad
akhlaaqi ah oo waajibinaysa in qoyska iyo ehelka Ikraan Tahliil oo la afduubay,
lana dilay ay helaan caddaalad, lagana hortago wax kasta oo lagu dalfinayo ama
lagu xagal daacinayo kiiska.
Haddaba dastuur, sharci iyo masuuliyad akhlaaqi ahba waxay ku waajibinaysaa
Raysalwasaare Rooble in uu tillaabo aan dib dhac lahayn oo degdeg ah qaado.
Shacabka Soomaaliyeed waxay taageersan yihiin oo taageerayaan tallaabada
Ra'iisul Wasaare Roobley uu xilka kaga qaaday Fahd Yaasiin.
0 Comments