Raysal wasaaraha Soomaaliya ayaa ka horyimid Gudigii uu magacaabay
Madaxwayne Farmaajo ee Kiiska Ikraan Tahliil.
Ra’iisul Wasaaraha XFS waxa uu ka digayaa isku day kasta oo lagu marin
habaabinayo Kiiska Ikraan Tahliil.
Sidoo kale Ra’iisul Wasaaruhu wax uu farayaa Taliyayaasha Ciidamada Qalabka
Sida in ay ka fogaadaan talaabo kasta oo wax u dhimi karta sumcadda ciidamada,
dhaawicina karta kalsooni shacabka Soomaaliyeed .
Dhinacakale ilo-Sirdoon, ay
xaqiijiyeen in Farmaajo ayaa ku hungoobay hirgalinta qorshe uu ku doonayay inuu
ku tirtiro raadadka kiiska Ikraan Tahliil Faarax, oo ku maqan gacanta
hoggaankii hore ee NISA, oo uu ugu horreeyo eedeysane Fahad Yaasiin.
Qorshaha ay Fahad iyo Farmaajo u xil-saareen Farey, ayaa ahaa inuu
baabi’iyo dhamaan xogaha muhiimka ah ee yaalla Xaafiiskii Fahad Yaasiin, gaar
ahaan kuwa la xariira kiisaska dilalka oo ay ugu horreeyaan waraaqaha ay ku
xusan yihiin warbixinnada Ikraan Tahliil.
Sidoo kale, waxaa Farey loo xil-saaray, inuu meel kale u wareejiyo hub
bastoolado u badan oo yaalla gudaha xarunta Nabad-sugidda, waxaana la faray
inuu hanjabaad iyo digniinno cabsi galin ah u diro saraakiisha NISA, kuna amro
in ay joogjiyaan amar ka qaadashada Ra’iisul Wasaaraha Xukuumadda, Rooble.
Dhinacakale saraakiil ka tirsan NISA oo lugu eedeeyay kiiska ikran
tahlil oo loo diiday in ay ka dhoofaan Airport Mogadishu
Xogta aan helnay ayaa sheegeysa in saraakiisha loo diiday inay ka dhoofaan
garoonka Muqdisho ay kala yihiin Cabdullaahi Kulane oo loo yaqaan Kulane Jiis
oo ku wajahnaa gobalka Gedo, iyo Sarkaal magaciisa lagu sheegay Wadna Qabad oo
isagana safar u ahaa dalka dibadiisa.
Wadna qabad ayaa la sheegay in uu ku dhoofayay baasaboor shisheeye oo ah
dhalashadiisa 2-aad waxayna labada sarkaalba qeyb ka yihiin shaqsiyaadka ay
dacwada ka gudbiyeen ehellada Ikraan Tahliil Faarax.
Ra’iisul Wasaaraha Soomaaliya Maxamed Xuseen Rooble ayaa amray in la baaro
saraakiisha lagu tuhunsan yahay dilka Ikraan Tahliil, ilaa amar dambana aysan
Muqdisho ka bixi karin.
Ra’iisul Wasaare Rooble ayaa horey u ballan-qaaday in cadaaladda la marin
doono kiiska Ikraan Tahliil, wuxuuna diiday qorshe uu soo jeediyey madaxweyne
Farmaajo oo ahaa in qoyska Ikraan diyo la siiyo, islamarkaana kiiska halkaas
lagu xiro, oo aan la baarin
0 Comments