Wararka ka imaanaya magaalada muqdisho ayaa sheegaya in maanta barqadii uu
halkaas soo gaaray Majaajiliistaha caanka ah ee Ibraahim Mustafa,
isla-markaana ay Soomaalida u taqaano Basadiir.
Basadiir ayaa u dhashay dalka Tanzania, waxaana garoonka
diyaaradaha ee Aadan Cadde ku soo dhaweeyey saaxibkiis Farxaan Diraac oo wiil
dhalinyaro ah, isla-markaana Af Soomaali u beddala muuqaallada Basadiir oo si
weyn loogu wadaago baraha bulshada.
Sidoo kale waxaa soo dhoweeyntiisa ka qeyb qaatay dhalinyaro kale iyo
wariyeyaal, kuwaas oo si diiraan ugu soo dhoweeyey magaalada Muqdisho ee
caasimada Soomaaliya.
Dhinaca kale Safarjka basadiir waxaa ka hadlay Farxaan Diraac, waxa uuna
sheegay in uu aad ugu faraxsan yahay in uu Somaliya ku soo dhaweeyo saaxiibkiis
Basadiir.
0 Comments