Madaxweynaha muddo xileedkiisa uu dhamaaday ee Maxamed Cabdullahi Farmaajo
oo khudbad ka jeediyay munaasabadda 26-ka June ayaa ka hadlay xaalada dalka,
taariikhda la soo maray iyo dhaliisha Siyaasiyiinta Somalida uga timaada qaar
kamid ah bulshada Soomaaliyeed.
Farmaajo ayaa sheegay in ay u timid dhalinyaro midnimo doon ah, kuwaas oo
uu sheegay in ay u sheegeen in siyaasiyiinta Soomalida yihiin kuwo
daneystayaal ah, isla markaana aan ka Shaqeyn danta dadka Soomaaliyeed.
“ Dhalinyarada ii timid aad ayay noogu fogaadeen, waxay dhaheen
siyaasiyiinta danaha dadka kama Shaqeeyaan ee danahooda iyo mida guryahooda
ayay ka Shaqeeyaan, waxaana idin leeyahay hadalkaas waa dhab ayuu yiri”
Farmaajo
Farmaajo wuxuu isku dayayaa inuu sumcad xumeeyo siyaasiyiinta Soomaaliyeed
oo uu faafiyo been abuur si uu jahwareer uga dhex abuuro muwaadiniinta una helo
dareenka shacabka Soomaaliyeed.
Farmaajo ayaa isku dayaya inuu ku khiyaaneeyo maskaxda dadka Soomaaliyeed
khudbadiisa in siyaasiyiintu ay ka shaqeynayaan danahooda tanina ay tahay isku
day lagu kasbanayo dadka kadib markii ay cadaatay heerka musuqmaasuqu
gaarsiisan yahay iyo inuu doonayo inuu xukunka sii joogo kali talisnimo
Madaxweynaha muddo xileedkiisa uu dhamaaday ee Maxamed Cabdullahi Farmaajo
ayaa ugu baaqay dhalinyarada inay istaagaan sidii Dhalinyaradii SYL oo kale oo
aysan waxba ka sugin siyaasiyiin dano gaar ah leh mararka qaarna xoog ay
isticmaalaan sida uu hadalka u dhigay.
Madaxweynaha muddo xileedkiisa uu dhamaaday ee Farmaajo ayaa Afartii sano
ee la soo dhaafay waxaa uu dhowr jeer fagaarayaal eedeyn kala duwna ugu
jeediyay Siyaasiyiinta ka aragti duwan sida uu ku maamulayo dalka Soomaliya.
Farmaajo wuxuu isku dayaa inuu ka faa'iideysto dhallinyarada si uu
uga helo taageero dhanka doorashooyinka iyada oo lawada ogsoon yahay halka uu
ku dambeeyay mustaqbalki dhalinyaradi loo qaday dalka Eratariya raiisel
wasaaraha iyo madaxda dowlad goboleedyadu waa inay dadajiyaan qabashada
doorashada inta lagu guda jiro kulankooda Isniint si looga guddbo caqabadah ku
xeeran dalka iyo si loo amba qaado geedi socdka dimuraadiyada lona helo
madaxweyne hogaaminkara dalka iyo dadkab
0 Comments