A C -WARAR
Sida ay ilwareedyo
muhiim ah u xaqiijiyeen shabakadda. A C, waxaa xilalka laga xayuubinayaa
taliyeyaasha ciidamada kale duwan ee dowladda federaalka oo uu ugu horreeyay
kan hay’adda NISA Fahad Yaasiin.
Xogtani oo rasmi ah
ayaa la sheegay in taliyaha hay’adda nabad sugidda Qaranka Soomaaliyeed mudane
Fahad Yaasiin Xaaji Daahir, lagu cadaadinayo inuu iscasilo, si uu meesha uga
baxo tuhunka ay qabaan saamilayda siyaasadda oo musharrixiinta ay ugu horreeyaan
iyo qaar kamid ah maamullada.
Fahad Yaasiin Xaaji Daahir, taliyaha hay’adda NISA, islamarkaana awood
badan ku dhex leh dowladda iminka jirta
Fahad Yaasiin, ayaa
lagu tiriyaa garabka midig ee Maxamed Farmaajo iyo garbaha uu ku duulo, isagoo
sidoo kale la sheego in uu yahay wakiilka Villa Somalia iyo xukuumadda Dooxa ee
dalka Qatar.
Madaxweynaha ay
muddo ka dhammaatay ee Maxamed Farmaajo ayaa sidoo kale xilalka ka xayuubin
doona taliyeyaal kale oo ciidamad ah, sida ilaha nala hadlay ay inoo sheegeen.
Xilka agaasimaha
hay’adda NISA waxaa sii hayn doona ku xigeenka Fahad ee iminka xafiiska jooga,
illaa laga gudbayo arrimaha doorashooyinka.
Qodobka ah in
xilalka laga qaado taliyeyaashaasi waxaa uu kamid ah shuruudo ay doorashada ka
qeyb-galkeeda ku xirtay Puntland, waxaana aad u soo dhoweeyay gollaha midowga
musharrixiinta oo ay ugu horreeyaan madaxweynihii Farmaajo ka horreeyay ee
Xasan Sheekh iyo hoggaamiyaha xisbiga Wadajir Cabdiraxmaan Cabdishakuur.
Mucaaradka ayaa
aaminsan in aan la isku hallayn karin taliyeyaasha ciidamada oo ay wada shaqeyn
kala dhaxeyso madaxweynihii magacaabay ee Farmaajo, sidaa daraaddeedna ay adag
tahay in ay doorashada ka qeyb galaan.
Saraakiisha diiday
inaan magacooda isticmaalno waxaa ay Warbaahinta A C u xaqiijiyeen in
maalmaha ina soo aaddan isbeddal ballaaran lagu samayn doono taliyeyaasha
ciidamada kale duwan ee dowladda FS
0 Comments