A C-WARAR
Xildhibaan Mahad
Salaad oo ka tirsan baarlamanka Federaalka Soomaaliya ayaa waji kale u yeelay
qaraxii maanta Magaalada Muqdisho lagula beegsaday laba Xildhinaan oo hore,
islamarkaana ka mid ah odayaasha beesha Mudullood.
Xildhibaan Mahad
Salaad oo qoraal soo dhigay facebook ayaa muujiyey in qaraxan aysan ka
dambeysan kooxda Al-Shabaab, balse uu socdo beegsi ka dhan ah odayaasha beel
gaar ah.
Mahad Salaad ayaa
sheegay inuu maalmo ka hor uu ka digay miinooyinka soo booda oo Muqdisho
lasoo dhoobay, taasoo la doonayo in lagu sameeyo shirqoolo ka dhan ah
siyaasiinta iyo saraakiisha ka aragtida duwan madaxweyne Farmaajo.
Wuxuu sheegay inuu
mar labaad qaraabada uga digayo inaan lagu leynayo shaar Al-Shabaab,
islamarkaana aan laga shaqeynayo sidii loo dabar goyn lahaa sida uu hadalka u
dhigay.
“Duqowda Mudulood
ee maanta miinada loo dhigay caafimaad degdeg ah Allaha siiyo. Maalmo ka hor
ayay ahayd markaan idiin sheegay in Muqdisho la soo
dhoobay. Waxaan mar kale ku celinayaa shaar Shabaab inta la idiin soo gashado
yaan la idin dabargoynin ee qaraabooy hala isjiro!,” ayuu yiri Mahad Salaad oo
qoraal soo dhigay bartiisa Facebook.
Qaraxa maanta oo ka
dhacay agagaarka Igoyska Beyxaani, jidka u dhaxeeya Shibis iyo Kaaraan,
islamarkaana ahaa miino la dhigay waddada dhinaceeda ayaa lala beegsaday Laba
Xildhibaan oo hore oo lagu kala magacaabo Muxiyadiin Xasan Afrax iyo Xuseen
Caraalle Caddaan.
Hadalka ku xigeenka baarlamaanka Mahad Salaad wuxuu cadeynayaa ku lug
lahaanshaha sirdoonka Soomaaliya oo uu ugu horeeyo Fahad Yaasiin fulinta
dilalkaan.
Beegsiga sheekhyada qabaa'ilka ayaa ka tarjumaya cabsida dowladda ee
saameynta fikradahooda ku yeelan karaan dariiqa Soomaalida.
0 Comments