A C-WARAR
Agaasimaha
Hay’adda sirdoonka Soomaaliya, Fahad Yaasiin Xaajir Daahir, ayaa Jimcadii wuxuu
Hotel Jazeera ee Muqdisho kula kulmay taageereyaasha Villa Soomaaliya Ra’iisul
wasaare ku-xigeenka xukuumada, Mahdi Maxamed Guuleed [Khadar], ayaa goobjoog ka
ahaa qadadaas loo sameeyay jamaahiirta dowladda waqtiga kasii dhacayo ee caanka
ku ah magaca “Xoogaga Wadaniyiinta”.
Fahad iyo Khadar ayaa dhalinyaradda u sheegay “in la joogo
waqtigii ay dalka xukumi lahaayeen, una diyaar-garoobaan dagaal dhinacyo badan
oo ay kamid noqonayaan Labada Gole ee baarlamaanka 10aad ee waddanka”.
Sidda qaar kamid ah ka
qeybgaleyaasha u dusiyeen GO, Fahad ayaa madasha ka yiri “xoog iyo xeelad ayaan
isugu geyn doonaa sidii aan dalkan uga badbaadin lahayn qof walba oo [waddanka]
u soo shaqeeyay kahor 2017-kii Wariyihii hore ee telefishinka Qadar laga
leeyahay ee Al Jazeera ayaa sidoo kale wuxuu dhalinyarada la wadaagay in ku
talagalkooda coddeynta soo aadan uu yahay in ay soo saaraan madaxweyne iyo
sharci-dejiyeyaal da’yar ah.
Si qorshahaas u dhaqan-galo,
Fahad ayaa kulankaan wuxuu ka caddeeyay in ay qorsheynayaan in ay bedelaan
qodobka dastuuriga ah ee xeerinaya in Xildhibaan ama Madaxweyne uusan noqon
karin shaqsi ka hooseeya 40-jir. Waxaanu u bedelaynaa 25-jir. Hadii 25-jir
Xildhibaano lagu noqon karo taasoo ah mas’uuliyad weyn, maxaa diidayo in 25-jir
madaxweyne lagu noqon karo,” ayuu ku difaacay doodiisa, sidda kusoo warameen
goobjoogeyaasha.
Inkasta oo tiradooda aan wali la xaqiijin, taliyaha hay’adda
NISA ayaa dhamaan dhalintii fadhigaas xaadirka ku ahayd u balanqaadey
Xildhibaanimo.
“Dhamaantiin waxaa tihiin Xildhibaanadda 2021, Insha Allah; 183
Xildhibaan oo qaranka daacad u ah iyo madaxweyne Farmaajo codka siin doona,”
ayuu ku daray, isagoo muujinaya in uu rabo in uu soo laabto madaxweynaha.
Wallow ay calaamad su’aal dul hooganeyso qaabka uu ku
dhaqan-gelinayo riyada madaxda muddo xileedkoodu gabaabsiga yahay, waxaa ka
muuqaneysa in ay ku talogalkeen in aysan si nabad xilka uga degin taasoo fowdo
keeneysa.
0 Comments