A C
-Wararka aan ka heleyno gobolka Galgaduud waxay sheegayaan in dagaalamayaasha Al-Shabaab ay saakay la wareegeen deegaan lagu magacaabo Cadakibir oo 60-KM u jira magaalada Cadaado.
Deegaankan ayaa dhanka bari uga beegan magaalada Cadaado ee gobolka Galgaduud, waxaana saakay gudaha u galay ciidamo aad u hubeysan oo ka tirsan Al-Shabaab, sida ay noo sheegeen dadka deegaanka.
Deegaanka Cadakibir ayaan markii hore laheyn wax maamul ah, waxayna Al-Shabaab ka sameysteen fariisimo.
Al-Shabaab ayaa waayihii dambe dhaq-dhaqaaq ka waday deegaanada ay ka joogaan gobollada Mudug iyo Galgaduud ee Galmudug, waxayna dadka deegaanka maalmihii lasoo dhaafay kula dagaalayeen koonfurta gobolka Mudug.
Dagaal maalin ka hor Al-Shabaab iyo dadka deegaanka ku dhex maray deegaan lagu magacaabo Shabeelow oo u dhaw deegaanka Bacaadweyn ee gobolka Mudug ayaa galaaftay nolosha in ka badan 10-qof oo dadka deegaanka u badnaa.
0 Comments