Dowladda Soomaaliya oo sheegtay in 70 Al Shabaab lagu dilay dagaal saacado socday oo ka dhacay Hiiraan iyo Shabeellaha Dhexe

Dowladda Soomaaliya ayaa sheegtay

 Dowladda Soomaaliya ayaa sheegtay in dagaalamayaasha Al shabaab lagu jabiyay dagaalo qaraar oo saacado badan socday kana dhacay degaanada xuduudka ee Shabeellaha Dhexe iyo Hiiraan kadib markii Ciidanka Xoogga Dalka iyo Macawiisleeyda ay halkaasi kula dagaalameen Al shabaab

Wasaaradda Gaashaandhigga ee Xukuumadda Soomaaliya

Wasaaradda Gaashaandhigga ee Xukuumadda Soomaaliya oo war kasoo saartay dagaaladaan ayaa ugu hambalyaysay Ciidanka Xoogga iyo macawislayda gobolka Hiiraan jabka xooggan ay u gaysteen Kooxda Al shabaab oo shalay weerartay deegaanno dhaca xadka u dhexeeya gobolada Hiiraan iyo Shabeelada Dhexe

Qoraalkaan kasoo baxay Wasaaradda Gaashandhiga

Qoraalkaan kasoo baxay Wasaaradda Gaashandhiga Soomaaliya ayaa shaaca looga qaaday in Kooxda Al shabaab looga dilay dagaalkaas in ka badan 70 Dagaalamayaashoodi, waxaana sidoo kale halkaas looga furtay hub farabadan

Warka ayaa inta la raaciyay in Al shabaab ay jabkaan gaaray ay tahay jabkii labaad oo muddo laba todobaad dhexdood ku dhacay Kooxdaan oo sameeneysay weeraro ka dhan ah goobaha ay Ciidamada Dowladda iyo Macaawiisleyda kusugan yihiin

Dhinaca kale War qoraal oo kasoo baxay Wasaaradda warfaafinta ayaa lagu sheegay in ciidamada Dowladda ay Al shabaab ku jabiyeen isku dayadii ay ku doonayeen in ay isku ballaariyaan Hiiraan iyo ShabeeladaDhexe, waxaana ay hadda ku baacsanayaan deegaano ka tirsan Shabeellaha Dhexe 

Dawladda Soomaaliya ayaa ku ammaantay ciidamada Dowladda iyo kuwa degaanka sida geesinimada leh ay u muujiyeen adkeysiga dagaalka, waxaana ay wacad ku martay inay ka go'an tahay ka ciribtirka Al shabaab ee Soomaaliya.