Maamul Goboleedka Soomaaliyeed ee Jubbaland oo war culus kasoo saartay dagaalka Baardheere

Maamul Goboleedka Soomaaliyeed ee Jubbaland

Maamul Goboleedka Soomaaliyeed ee Jubbaland ayaa war qoraal ah kasoo saaray dagaal culus oo saaka ka qarxay gudaha degmada Baardheere ee gobolka Gedo, kaas oo u dhexeeya ciidamadooda iyo kuwa dowlada Somalia Jubbaland ayaa shaaca ka qaaday in weerarka ay soo qaadeen ciidamo ka amar qaata Madaxweyne Xasan Sheekh Maxamuud, ayna beegsadeen xarunta maamulka degmada

Sida lagu sheegay qoraal uu goordhow baahiyay

Sida lagu sheegay qoraal uu goordhow baahiyay Telefishinka ku hadla afka maamulka Jubbaland kooxda Xasan Sheekh oo weli wada hagardaamo iyo kala qeybin ay ka dhex wadaan bulshada reer Jubbaland ayaa saaka waaberigii dagaal kusoo qaaday xarunta degmada Baardheere oo ay ku sugnaayeen maamulka degmada,” ayaa lagu yiri qoraalka

Sidoo kale, Jubbaland ayaa sheegtay in weli xarunta degmada

Sidoo kale, Jubbaland ayaa sheegtay in weli xarunta degmada ay ku sugan yihiin ciidamadooda, balse dagaalku uu weli socdo, iyagoo ku dooday inay iska caabinayaan weerarka lagu soo qaaday waxaa kale oo ay intaasi kusii dartay in xarunta la weeraray ay tahay goobta loogu adeego bulshada reer Baardheere, ayna arrintaasi tahay wax laga xumaado

Xarunta ay Xasan Sheekh Maxamuud iyo kooxdiisu dagaalka kusoo qaadeen waa halka loogu adeego bulshada Baardheere, taasoo muujineysa in uusan dan ka lahayn shacabka, balse uu leeyahay dano shaqsi ah,” ayaa lagu yiri warsaxaafadeedka kasoo baxay maamulka Jubbaland

Sidoo kale, qoraalka ayaa lagu sheegay Xasan Sheekh iyo kooxdiisa waxay go’aansadeen inay burburiyaan nidaamka dowliga ah ee ka jira degmada, maadaama fikirkoodii qaldanaa uu ka socon waayay Baardheere

Dhinaca kale, ma jiro wax hadal ah oo kasoo baxay dowladda federaalka oo ku aaddan dagaalka ka socda Baardheere, waxaana weli xaaladdu tahay mid aad u kacsan dagaalkan ayaa ka dhashay muran la xiriira gacan ku haynta degmada, taasoo ay isku hayaan dowladda federaalka iyo Jubbaland, oo maamulo iska soo horjeeda u magacaabay Baardheere

Shalay ayay ahayd markii Jubbaland ay sheegtay inay la wareegtay gacan ku haynta xarunta degmada Baardheere, balse saaka ayaa dagaal culus dib uga qarxay magaalada, kaasoo u dhexeeya Daraawiishta Jubbaland iyo ciidamada dowladda ee ku sugan halkaasi