A C-WARAR
Waxaa goordaw teendhada Afisiyooni ee xeendaabka garoonka diyaaradaha Aadan
Cadde ka bilowday shirka wadatashiga ee u dhaxeeya Madaxda dowlada federaalka
Soomaaliya iyo kuwa dowlad goboleedyada.
Shirkan oo lagu waday in shalay dib u furmo ayaa dib u dhacay kadib markii
uu kasoo qeyb gali waayay Madaxweynaha dowlad goboleedka Galmudug Axmed Qoor
Qoor oo safar ugu maqnaa magaalada Dhuusomareeb.
Sida aan wararka ku heleyno shirkan goordhaw u furmay Madaxda DF iyo kuwa
maamul goboleedyada ayaa diirada lagu saarayaa sidii isfaham looga gaari lagaa
ajandaha shirka rasmiga ee soo socdo.
Ilo ku dhaw dhaw shirka ayaana ku waramaya in rajo badan laga qabo in
shirka maanta yeelanayaan Madaxda iska soo horjeeda is faham ka gaaraan
qodobada ay isku hayaan gaar ahaan ajandaha shirka ee yeelanayaan Madaxda .
Beesha caalamka ayaana ku cadaadineysa madaxda Dowlada federaalka iyo kuwa
maamul goboleedyada in ay gaaraan heshiis iyo is faham, waxaana madaxda Dowlada
iyo kuwa maamulada la filayaa in ay u hogaansamaan cadaadiska beesha caalamka
Dhinaca kale Villa Somalia ay diiday shan qodob oo ay soo jeediyeen
maamulada Puntland iyo Jubaland, islamarkaana ay sheegtay inaysan marnaba
aqbali doonin, kuwaas oo kala ah:-
1- In la ballaariyo shirka oo laga
qeybgeliyo mucaaradka si loo qaato go’aan kama dambeys ah oo ku aadan
doorashada Soomaaliya.
2- In laga doodo mudddo xileedka
hay’adaha dowladda ee dhamaaday si gaar ah madaxweynaha iyo Baarlamaanka. Si
gara ah in Madaxweynaha Soomaaliya qoro warqad uu ku cadeynayo in uusan aheyn
Madaxweyne islamarkaana ka dhamaaday muddo xileedkiisa, oo uu yahay kaliya
sii-hayaha xilka madaxweynaha.
3- In laga wada hadlo arrimihii dhacay 19-kii Feberaayo 2021, kuwaas oo
ahaa weeraradii loo geestay mucaaradka. Arrintan ayaa waxaa sidoo kale diidmada
Farmaajo ku raacsan Cali Guudlaawe iyo Qoor Qoor.
4- In laga hadlo amniga doorashada iyo cidda sugeysa maadaama qaar ka mid
ah ciidamada qaranka lagu eedeeyay in ay ka qeyb qaateen weeraradii mucaaradka.
5- In xilalka laga qaado taliyaasha
ciidamada qaarkood, kuwaas oo la sheegay in ay door ku lahaayeen qalalaaso ka
dhacay Muqdisho, si gaar ah ah taliyaha Nabad-sugidda Fahad Yaasin, oo ka mid
ah shaqsiyaadka ugu awoodda badan dowladda.
Wararka aan helnay ayaa xaqiijinaya in
Villa Somalia diidan tahay in qodobadaan ka tanaasusho halka dhinacyada kalane
ay diideen in ay ka tanaasulaan, taasi oo xaaladda ka dhigeysa mdi is-mari waa
ah.
Lama oga sida uu ku dambeyn doono
xaalka Soomaaliya waxaase la aaminsan yahay in sababahan dartood uu shirku guul
darro ku dhamaan doono.
0 Comments