Maamulka Puntland ayaa shaaca ka qaaday
inaan lagala tashan shirka uu madaxweynaha waqtiga ka dhamaaday ee Soomaaliya
Maxamed Cabdullaahi Farmaajo sheegay in lagu qabanayo Garoow
Qoraal kasoo baxay madaxtooyada Puntland ayey sidoo kale ku sheegtay inay
door bideyso in shirkaas lagu qabto magaalada Muqdisho, islamarkaana laga
qeyb-geliyo dhammaan saamileyda siyaasadda Soomaaliya, maadama uu dhamaaday
muddo xileedka hay’adaha dowladda federaalka.
Warka kasoo baxay Puntland ayaa weji gabax ku noqonaya madaxweyne Farmaajo,
oo markii horeba la rumeysnaa in sababta uu shirka u geeyey Garoowe, ay tahay
inuu ka fogeeyo beesha caalamka oo qorsheyneysay in shir ay goobjoog ka tahay
lagu qabto Muqdisho.
Sida muuqata, madaxweyne Farmaajo ayaan huri doonin in shirkan uu ka dhaco
Muqdisho, waxaana suurta-gal ah inuu noqdo shir ballaaran oo laga qeyb geliyo
dhinacyo badan, oo markii hore aan qeyb ka aheyn.
Beesha Caalamka ayaa ku baaqday
in shir la isugu yimaado, musharaxiinta mucaaradka waxey ku baaqeen in Farmaajo
aan loogu yeeri madaxweyne waxaa kaloo jirta xan siyaasadeed oo sheegeysa in
Ra’iisul wasaare Maxamed Xuseen Rooble goobayo muddo kordhin laba sano ah iyo
iney xukuumadiisa qabaneyso doorasho qof iyo cod ah
Dhanka kale Cali Mahdi oo
fariin u diray madaxweynaha wakhtigiisa dhamaaday ee Maxamed Cabdullaahi
Farmaajo ayaa sheegay in farmaajo wakhtigiisu dhamaaday, lagana doonayo inuu
doorasho xor iyo xalaal ah qabto ama kursiga baneeyo.
0 Comments