A C-WARAR
Ikran Tahlil Faarax, oo ah gabar 25 sano jir ah ayaa in ka badan 16
maalmood lagu la’yahay magaalada Muqdisho, hooyadeed Qali Maxamuud Guhaad ayaa
ku eedeysay madaxda ugu sareysa Sirdoonka Soomaaliya inay afduubteen gabadheeda
wax baratay.
Hooyadan oo ku nool magaalada Ankara ee caasimada dalka Turkiga ayaa ugu
baaqday madaxweynaha waqtigiisu dhamaaday ee Soomaaliya Farmaajo iyo RW Maxamed
Xuseen Rooble in ay soo fara galiyaan arintan isla markaana ay baaraan halka uu
ku sugan yahay Ikran oo heysata baasaboor dublamaasi.
Waxaan u xiisay gabadheyda Ikran Tahlil Farah oo 16 maalmood aan ka maqal
taleefankeeda, waxaa la waayey 26-kii Juun markay ahayd 8:03 pm fiidnimo,"
ayuu yiri Guhad.
Hooyadan ayaa tiri iyadoo ilmada wejigeeda ka muuqato waxay tiri Ikran waxay ka
soo qaadatay gaari ay leedahay Toyota Hilux gurigeeda oo udhaxeeya KM-0 iyo
hoteelka caalamiga ah meel aan ka fogeyn xarumaha NISA ee loo yaqaan Habar
Khadiija habeenkiina sitay laptop-keeda dibna uma soo laaban
Baadhitaan hordhac ah oo aan ka sameeyay kiiska Ikran Tahliil, waxay ila tahay
inay martay wadadii saraakiishii hore ee Fahad iyo Kulane Jiis ku dileen
barnaamijkoodii dilka" Qari iyo Qari, "ayuu yiri Gen Cabdalla
Cabdalla oo shaqadiisu ahayd kuxigeenka NISA.
Habeenkii labaad, sida uu sheegayo Cabdalla ambalaas ayaa galay xabsiga
Godka Jilacoow ee ay maamusho NISA waxayna ku soo baxday waardiye ilaalin ah
waxayna u aaday banaanka magaalada Muqdisho iyadoo wadata wax loo malaynayo
inuu yahay maydka Ikran Tahliil oo la tuuray ama lagu aasay meel aan la
garanayn.
Sarkaalkii hore ee ugu sareeyay NISA wuxuu intaas ku daray inuu ka baqayo
in Ikran loo dilo sidii kuwa iyada ka
horeeyey loo qaarijiyey Xarigga gabadha, am dilkeeda waxa uu u dhexeeya Fahad
Yaasiin iyo M_Farmaajo,si ay u joojiyaan cid kasta oo ka soo horjeedda
hamigooda ku aadan xukunka dalka. carada shacabka muqdisho iyo siyaasiyiinta
ayaa cirka isku shareerey afduubki ikraan kadib
Ma cada ilaa iyo hada sababta loo afduubtay gabadha yar laakiin ilo wareedyo
ayaa Keydmedia English u sheegay in ay ahayd shaqaale ka tirsan maamulka
gobolka Banaadir ayna hayso xog xasaasi ah oo ku saabsan dilkii duqii hore ee
Muqdisho Eng Cabdiraxmaan Yariisow bishii July 2019.
Waxay waxbarasho u aaday Boqortooyada Ingiriiska [UK], ka dib geeridii Duqii
hore waxayna dhowaan ku soo laabatay caasimada dalka ee Muqdisho si ay u sii
wadato shaqadeedii shaqaale dowladeed.
Jeneraal Cabdalla Cabdalla wuxuu leeyahay Ikran waxay ahayd sarkaal xirfad leh,
aqoon leh, karti badana ku laheyd sirdoonka NISA waxayna sidoo kale la
shaqeysay kaaliyaha duqa Muqdisho ee la dilay, Eng Cabdiraxmaan Yariisow oo
dilkiisa la sheegay inay ku lug leeyihiin saraakiisha ugu sareysa, oo uu ku
jiro Yaasiin.
0 Comments