Mareykanka oo war culus kasoo saaray xiriirka Al-Shabaab iyo Xuuyitiyiinta

Dowladda Mareykanka ayaa war culus kasoo saartay

 Dowladda Mareykanka ayaa war culus kasoo saartay walaaca xooggan ee laga muujinayo xiriirka sii xoogeysanaya ee ka dhexeeya kooxda Al-Shabaab ee Soomaaliya iyo Xuutiyiinta ka dagaallama dalka Yemen John Kelly, oo ah ku simaha safiirka Mareykanka ee Golaha Ammaanka, ayaa Isniintii shaaca ka qaaday inay si dhow ula socdaan dhaq-dhaqaaqyada labada kooxood iyo iskaashiga cusub ee ay sameysteen, taas oo halis ku ah amniga gobolka

Ku simaha safiirka Mareykanka ee Golaha Ammaanka

Ku simaha safiirka Mareykanka ee Golaha Ammaanka ayaa ku baaqay in la iska kaashado la shaqeynta guddiyada Golaha Ammaanka ee Yemen iyo Soomaaliya, si loola socdo xiriirka ka dhexeeya labada urur, oo Mareykanku u arko ururro argagixiso sidoo kale wuxuu danjiruhu khudbaddiisa ku sheegay in ay jirto halis kale oo kasoo korortay tahriibinta sharci darrada ah

Gaar ahaan dadka kasoo gudbaya Badda Cas

Gaar ahaan dadka kasoo gudbaya Badda Cas, oo isku xireysa labada argagixiso ee fadhigoodu yahay Soomaaliya iyo Yemen waddooyinka tahriibinta ee ka gudba Badda Cas, ee isku xiraya kooxaha argagixisada ah ee fadhigoodu yahay Soomaaliya iyo Yemen, waa in lala yimaado muhiimad weyn iyo iskaashi caalami ah,” ayuu khudbaddiisa ku yiri John Kelly.

Waxaa kale oo uu sii raaciyay waxaan ka walaacsanahay xiriirka sii kordhaya ee haatan ka dhexeeya kooxda Al-Shabaab iyo Xuutiyiinta dalka Yemen sidoo kale, wuxuu intaasi kusii daray in Mareykanka uu taageerayo guddiyada QM ee qaabilsan cunaqabateynta saaran Yemen iyo Al-Shabaab, taas oo mar kale dib loo cusbooneysiiyay Isniintii, si loo qaado tallaabooyin kale oo lagu beegsanayo argagixisada

Waxaan dhiirrigelineynaa wadahadal dhexmara guddiyada cunaqabateynta saaran Yemen iyo Al-Shabaab, iyo dalalka Geeska Afrika iyo Jasiiradda Carabta, si loo iftiimiyo xiriirka Xuutiyiinta iyo Al-Shabaab, ugu dambeynna lagu kala saaro,” ayuu raaciyay.

Tani waxay kusoo aadaysaa kadib hadal uu shalay jeediyay Danjire John Kelly, xilli muddo kordhin loo sameeyay guddiga khubarada ah ee ka caawinaya Golaha Ammaanka fulinta cunaqabateynta Al-Shabaab.